Княгіня Радзівіл і справа адраджэньня Уніі ў Беларусі

Мн., 2006. — 112 с. (Бібліятэка часопіса „Беларускі Гістарычны Агляд“)У працы разглядаюцца аспэкты жыцьця i дзейнасьці княгіні Магдалены Радзівіл (1861—1945), якія звычайна заставаліся па-за ўвагаю дасьледнікаў. У першай частцы аўтар разглядае ўнёсак гэтай асобы ў нацыянальнае i рэлігійнае адраджэньне Беларусі, у прыватнасьці ейныя погляды на Грэка-Каталіцкую Царкву. У другой частцы ён пралівае сьвятло на гісторыю нязьдзейсьненай мары княгіні — заснаваць грэка-каталіцкую калегію (сэмінарыю) для беларусаў у Рыме.